SYI'IRAN KH. ABDUR RAHMAN WAHID

Ngawiti ingsun, nglaras syi'iran Kelawan muji maring pangeran Kang paring rohmat lan kenikmatan Rino wengine tanpo pitungan Duh bolo konco, priyo wanito Ojo mung ngaji syari'at bloko Kur pinter dongeng nulis lan moco Tembe mburine bakal sangsoro Akeh kang apal, qur'an haditse Seneng ngafirke marang liyane Kafire dewe dak digatekke Yen isi kotor ati akale Gampang kabujuk, nafsu angkoro Ing pepaese gebyare ndunyo Iri lan meri sugihe tonggo Mulo atine peteng lan nisto Ayo sedulur, jok ngelalek'ake Wajibe ngaji sak pranatane Mung ngendelaken iman tauhide Baguse sangu mulyo matine Kang aran sholeh, bagus atine Kerono mapan sari ilmune Klaku torekhot lan ma'rifate Ugo hakhekot manjing rasane Al qur'an qodim, wahyu minulyo Tanpo tinulis iso diwoco Iku wejangan guru waskito Den tancepake ing jero dodo

Kumantil ati lan pikiran     Rasu ing badan sampek jeroan     Minongko dalan manjinge iman Kelawan ALLOH kang maha suci Kudu rangkulan rino lan wengi Ditirakati di riyadhohi Dzikir lan suluk jo nganti lali     Uripe ayem, rumongso aman     Dununge roso tondo yen iman     Sabar narimo najan pas-pasan     Kabeh dinakdir saking pangeran Kelawan konco, dulur lan tonggo Kang podo rukun ojo tersiyo Iku sunahe Rosul kang mulyo Nabi Muhammad panutan kito     Ayo ngelakoni sekabehane     ALLOH kang bakal ngangkat derajate     Senajan asor toto dhohire     Ananging mulyo maqom drajate Lamun palastro, ing pungkasane Ora kesasar roh lan sukmane Den gadang ALLOH suwargo manggone Utuh mayite ugo ulese

KH ABDURRAHMAN WAHID

SYI'IR TANPO WATON